Фолкер Турк, комиссари олии ҳуқуқи башари СММ рӯзи панҷшанбе дар ҷараёни нишасти Шӯрои амнияти Созмони Милал дар бораи Фаластин изҳор дошт: Муҳосираи комили Ғазза мисдоқи боризи муҷозоти ҷамъӣ аст ва ин иқдом мумкин аст муодили истифода аз гуруснагӣ ба унвони абзори ҷанг талаққӣ шавад.
Ба гузориши “Порс-Тудей”, Фолкер Турк бо ишора ба шаҳодати 15 нафар аз коркунони ҳавзаи пизишкиву башардӯстона дар Ғазза, дар ҷараёни тирандозии низомиёни режими саҳюнистӣ ба мошинҳои ёрии таъҷилӣ дар ин борика, хостори анҷоми таҳқиқоти мустақил, фаврӣ ва ҷомеъ дар бораи ин қатлҳо шуд ва таъкид кард, ки масъулони ҳар гуна нақзи қавонини байналмилалӣ бояд посухгӯ бошанд.
Ба гуфтаи комиссари олии ҳуқуқи башари Созмони Милал тирандозии маргбори Исроил ба омбулонсҳо дар Ғазза метавонад ҷинояти ҷангӣ бошад.
Бар асоси шавоҳиди майдонӣ, низомиёни саҳюнист чанд рӯз пеш 8 имдодгари “Ҳилоли Аҳмар”-и Фаластин, 5 нафар аз коркунони дифои маданӣ ва як корманди ОНРВО (Созмони таъмин бюо кори фаластиниҳо)-ро ба шаҳодат расонданд. Ҳамагии ин афрод дар замони ҳадаф қарор гирифтан дар ҳоли анҷоми вазифа буданд.
Дар ҳамин ҳол расонаҳои фаластинӣ эълом карданд, ки неруҳои режими ишғолгар бомдоди рӯзи ҷумъа ҳамалоти густардаеро ба манотиқи мухталифи борикаи Ғазза анҷом доданд, ки мунҷар ба шаҳодати дастикам 11 нафар шудааст.
Бар асоси гузоришҳо, то кунун пайкари 31 нафар, ки бештари ононро занону кӯдакон ташкил медиҳанд, аз зери овор хориҷ шудааст. Ҳамчунин дар ин ҷиноят 125 нафар низ захмӣ шудаанд.
Ҷунбиши муқовимати исломии Фаластин (ҲАМОС) дар вокуниш ба ин ҷиноятҳо хостори баргузории тазоҳуроти густарда дар рӯзи ҷумъаи чаҳоруми апрел дар саросари ҷаҳон дар ҳимоят аз Ғазза ва маҳкум кардани ҷиноёти идомадори наслкушии режими саҳюнистӣ алайҳи сокинони борикаи Ғазза шудааст.
Бар асоси эъломи Вазорати беҳдошти Фаластин дар борикаи Ғазза, аз замони оғози ҷанг дар ҳафтуми октябри 2023 то кунун 50 ҳазору 523 фаластинӣ дар ҳамалоти Исроил ба ин борика ба шаҳодати расида ва 114 ҳазору 776 нафар низ захмӣ шудаанд.
342/
Your Comment